මේ උසුලා ගත නොහැකි ග්‍රීෂ්ම සෘතුවයි සිරුර කෙමෙන් කෙමෙන් රුහිරෙන් තෙත් වී සිසිලසක් සොයාගෙන යන්නට සංචාරකයින්ට සිතෙන බව නම් නො අනුමානයි, නමුත් අමරණිය වූ පෙම්කතාවකට තුඩු දුන් සොඳුරු කඳු යායකින් වටවූ සුන්දර වෙරෝනාව අතහැර යාමට නම් එම නගරයට ඇතුළු වන සංචාරකයාට කිසිවිටෙක වත් සිත් නොදේ.
රෝමියෝ ජුලියට් ප්‍රේම වෘතාන්තය පිලිබඳ නොඇසූ කෙනෙක් ලොව නැති තරම්,. විලියම් ශේක්ෂ්පියර් නමැති මහා සාහිත්‍යධරයාගේ නාට්‍යයක් වූ රෝමියෝ ජුලියට් කතාව පිළිබඳව මුලින් අපි සිතා බලමු.මේ දෙදෙනාම පාරම්පරිකව පැවතෙන Capulet's සහ Montiugo යන වංශවත් සිටු පවුල් දෙකක පුරුක් යුගලයක් වන අතරම මේ දෙදෙනා අතරම නොබිඳිය හැකි ශක්තිමත් ආදරයක් ඇති විය.මොවුන් ලොවට හොරා ජුලියට්ගේ මන්දිරයේ තිබුන සොල්දරයක ප්‍රේම සල්ලාපයේ යෙදුනු අතර සඳළුතලයේ සිට පහලට එල්ලා වැටුණු මල් වැලක ආධාරයෙන් මොහු හැම දිනකම රාත්‍රියේදී ජුලියට් හමුවීමට පැමිණියේය.
අනාගතයේදී සිදුවෙන ප්‍රශ්න පිළිබඳව දන්නා නිසාම මොවුන් ලෝරන්ස් නම් පියතුමා ඉදිරියේදී විවහා ගිවිස ගත්හ.
නමුදු අවාසනාවකට මෙන්, මෙම පවුල් දෙක අතරේ පරම්පරා ගණනාවක සිට පවතින වෛරයක් තිබුණි.
එම නිසා මෙම සම්බන්ධයට පවුල් දෙකම විරුද්ධ වුහ.මොවුන්ගේ ප්‍රේමය පිළිබඳව ජුලියට්ගේ පවුලේ සාමාජිකයකු වන මර්සිවාසියෝ නමැති පුද්ගලය විසින් ජුලියට්ගේ දෙමවුපියන්ට පවසන ලදී.
පසුව ඇතිවන ගැටුමකදී රෝමියෝ අතින් මොහු මිය ගොස් රෝමියෝට මරණ දඩුවම නියම විය ..ඒ අවස්ථාවේදී රෝමියෝ සැමටම හොරෙන් නගරයන් පිටවී යන අතරම , ජුලියට්ව ඇයගේ පියා විසින් වෙනත් පුද්ගලයකුට විවාහා කිරීමට යෝජනා කළේය.ඒ අතරේ ලෝරන්ස් පියතුමා විසින්ඇයට නිදි බෙහෙතක් දී දිගු ව්‍යාජ නින්දකට පත් කර සොහොනක තබා සිදුවූ සිද්ධිය පිළිබඳව, රෝමියෝ හට පණිවිඩයක් යැවුවත්අවාසනාවකට ඔහුට සත්‍ය සිද්ධිය පිළිබඳව තොරතුර නොලැබුණි.
මේ අතර ජුලියට්ගේ සිහි නොමැතිවීම , මරණයක් ලෙස පැතිර ගොස් තිබුණු අතර ,එය ආරංචි වූ සැණින් පැමිණෙන රෝමියෝ වස පානය කර මිය ගියේය.ඊට ස්වල්ප මොහොතකින් පියවි සිහියට පැමිණි ජුලියට් රෝමියෝගේ මළ සිරුර දැක වේදනාවෙන් මුසපත්ව අසල තිබුණු කිනිස්සකින් ඇණගෙන සිය දිවි හානි කර ගත්තාය.
ඉතින් අද අපි ලෝක උරුමයක් වූ වෙරෝනා නගරයේ පිහිටි ආදරණිය රෝමියෝ ජුලියට් ප්‍රේම වෘතාන්තයෙහි එන ජුලියට්ගේ මන්දිරයට සෙමින් සෙමින් පිය මනිමු. වෙරෝනා නගරය පිහිටා තිබෙන්නේ මුහුදු මට්ටමේ සිට කිලෝමීටර් 59 උසකින් වන අතර මෙහි ජිවත් වන මිනිසුන්ව හඳුන් වන්නේ Veronist යන නමින්. ක්‍රිස්තු පුර්ව 3න් වන සියවසේදී රෝම අධිරාජ්‍යයේ මුලස්ථානය වුයේ වෙරෝනා නගරයයි .ඉතාලියේ වයින් නිෂ්පාදනයේ මුලිකම ස්ථානයක් ගැනෙන්නේ මෙම වෙරෝනා නගරය වීමත් ඉතාමත් සුවිශේෂී කරුණකි.
වෙරෝනාවේ සුන්දරත්වය
පුරාණ සටන් බිම ඇරිනාව
මෙම ඇරීනාවේ සුවිශේෂත්වය වන්නේ අතීත රෝම වංශිකයින් තම වහලුන් හා සිරකරුවන් මෙය තුලට ගෙන්වා මොවුන්ව සටන් වලට යොමු කිරීමයි.මෙම සටන් මාරක සටන් වූ අතර ඒ සටනින් ජයග්‍රහණය ලබන තැනැත්තා වහල් බවින් මිදී ස්වාධින තැනැත්තකු බවට පත්වීමයි. එලෙසම පසුකාලීනව මෙය විශාල වශයෙන් රඟහලක් ලෙසටත් භාවිතා කර තිබේ.
ජුලියට්ගේ මන්දිරය වෙත යන සංචාරකයින්ට ඇතුළුවන ස්ථානයේ තාප්ප යුගලයේ දක්නට ලැබෙන දෙයක් නම් මෙහි නැරඹීමට පැමිණෙන පෙම්වතුන් ඔවුන්ගේ නම් කෙටිමයි. ඒ ඉදිරිපස ජුලියට්ගේ පිළිරුව දක්නට ලැබේ.මේ අසල සිට ජයාරූප ගැනීමට සෑම නරඹන්නෙකුම ප්‍රියතාවයක් දක්වයි.ඉතාලියේ සංචාරයට පැමිණෙන මොවුන් ලබන වටිනාම සමරුව මෙය ලෙසයි ඔවුන් සිහිපත් කරන්නේ.
ඊට ඉහලින් මෙම මන්දිරයේ ජුලියට්ගේ පිළිරුවට ඉහළින් පිහිටා ඇති මොවුන් හමුවූ සඳළුතලයේද නටඹුන් අදටත් දක්නට ලැබේ.
මෙහි සුන්දරත්වය නැරඹීමට පැමිණෙන පෙම්වතුන් ඊළඟට යන්නේ ජුලියට්ගේ සොහොන් බිම වෙතටයි. මෙහි එක ස්ථානයක ආදර දොරගුළු දක්නට ලැබේ.ඒ නම් විවධ වර්ණයන්ගෙන් යුතු ඉබ්බන් ගෙන එක ස්ථානයක එල්ලා තැබීමට ඔවුන් උත්සුක වන්නේ කිසිදු බාධකයකින් තොරව තම ප්‍රේමය ජය ගැනීමට ලැබෙවා යන ආදරණිය චේතනාවෙනි. එලෙසම තම පෙම්වතාගේ හෝ පෙම්වතියගේ නම සටහන් කරන ලද රතු රෝස මල් සහ සිහිවටන මිලදී ගැනීමට සාප්පුවක්ද ඒ අසල තිබේ.නම ඒ මොහොතේම ගෙත්තම් කර මසා දීමට එතැන සිටින මසන්නියන් උත්සුක වේ.ප්‍රේමය යන තාරුණ්‍යයට මෙම කළාපය ආදරණිය ම තෝතැන්නක් වේ.
