මහා භාරතය විවිධ රසවත් කතාන්දර වලට තෝතැන්නකි.මේවා අතර දේව කතා, රජ කතා, ප්‍රේම කතා, යක්ෂ කථා , භූත කතා ,ජන කතා, උපමා කතා බෙහෙවින් දැකිය හැකිය. මහා භාරතය, රාමායණයේ සිට විකාශනය වූ කතා සාහිත්‍ය ඉන්දීය ජන ජීවිතයේ සෑම අංගයක් සමගම සම්බන්ධ වී ඇතයි කිවහොත් නිවැරදිය.සමහර කතා නාට්‍යමය ආකරයෙන් ඉදිරිපත් කර ඇති අතර සකුන්තලා, නල දමයන්ති මෙයට නිදසුන්ය."Vetala Panchavimshati" හෝ "Twenty-5 (25) Tales of the Vetala" යනු අධිස්වාභාවික ජීවියෙකු වන රජෙකු සහ වේතාලයෙකු අතර හමුවීම් වටා ගෙතෙන පුරාණ ඉන්දියානු ජන කතා එකතුවකි. හින්දු පුරාවෘත්තවල, "වේතාල" යනු අද්භූත ජීවියෙකු හෝ ආත්මයකි. Vetala බොහෝ විට නිරූපණය කරනු ලබන්නේ මරණය හා අද්භූත ලෝකය හා සම්බන්ධ ද්වේෂසහගත ආත්මයක් ලෙසය.
ගෝවින්ද සිංහ විසින් රචිත වේතාල කතා රසබර කතාම පමණක්ම නොව මිනිස් මනසිත තත්වය විනිවිද දකින සියුම් ලෙස විග්‍රහ කරන මනෝ විද්‍යාත්මක රචනයන් ලෙස දැකිය හැකිය.කොතරම් ප්‍රභල පුද්ගලයකු වුවද සීත තුළ ඇති වන තෘෂ්ණාව නිසා ක්‍රියා කරන ආකාරයත් දිගටම එම මාර්ගයේ යාමෙන් අවාසනාවන්ත අවසානයක් ලඟා කර ගන්නා ආකාරයත් වේතාල කතා මගින් නිරුපණය කරයි.
එක්තරා කාලයක ඉන්දියාවේ රජ කල වික්‍රමධිත්ය නම් රාජ්‍ය නායකයා ඔහු වෙත පැමිණි යෝගිවරයකු දෙන උපදෙස් අනුව කුවේරයාගේ නිදන් ගබඩාව ආක්‍රමණය කිරීමට උත්සහ දරයි.වේතාල නමැති මළ මිනියක් කර තබාගෙන අනෙක වදවේදනා විඳිමින් ධනාගාරය සොයා ගමන් කරයි.මේ යන ගමනේ විඩාව සංසිඳෙන්නේ දිගටම වේතාල පවසන කතාන්දර නිසාය.එක්තරා කාලයක මගධ දේශයේ අතිශයින් රුපසම්පන්න කුමාරිකාවක් වාසය කළාය.තරුණ වියට පත් ඇයගේ රුව ගුණ සෑම දේශයකම පැතිර ගිය අතර ඇයට විවහා යෝජනා ගලා ආවේය,ඇය ඒ සෑම යෝජනාවක්ම ප්‍රතික්ෂේප කළාය.
,දිනක් මවු බිසව " .... දියණියනි ඔබට විවහා වීමට අදහසක් නැද්ද යැයි ඇසිය.
"..... මා විවහා වන්නේ නියම ස්වාමියා ලැබුණු විටකය.
මේ ඇය අතරේ ඔබට සුදුසු කෙනෙක් නැතිද ? නැහැ... කිසිම කෙනෙක් ළඟ සුදුසු කම් නැහැ.
ඔබ සිතන සුදුසුකම් මොනවාද?
ඔහුට බිරිඳ ආරක්ෂා කිරීමේ ශක්තීය තිබිය යුතුයි.
ඔබ,,, මේ රජ කුමාරුවරුන් අතරින් පරික්ෂා කර තීරණයක් ගන්න.
මේ අතර රජ කුමරිය එක් රජ කුමරුවකු පරීක්ෂණයට භාජනය කළාය.
" ඔබේ සුදුකම්මොනාවද ?
' මට අතීතය වර්තමානය ,අනාගතය පිළිබඳව නිවැරදිව පැවසිය හැකියි..."
දෙවන රජ කුමරාද පැමිණියේය.
"ඔබගේ සුදුසුකම් මොනාද ...?
"..... මට , මා නිෂ්පාදනය කල රථයෙන් අහසේ කඳු අතරෙත් ,මුහුදේත් ගමන් කල හැකියි.
කුමරිය එවරද නිහඩ විය.
යෝජනාවක් පැමිණි තුන්වන කුමරයාටද ඇය ආමන්ත්‍රණය කළාය.
ඔහුගේද සුදුසුකම් විමසුවාය.
තමා ළඟ ඇති අසිපතින් ගසන පාර කිසී විටෙකත් නොවරදින බවත් , එම පහරින් ගැලවිය හැකි කිසිවකු මිහිපිට නැති බවත් ඔහු කියා සිටියේය.
දින කිහිපයක් කල්පනා කල කුමරිය මෑණියන්ට තීරණයක් දුන්නාය.
මෙහිදී තුන්කල් දන්නා විරේන්ද්‍ර කුමාරයාත් අරුම පුදුම රථය හිමි උදයවීරත් අසිපත හිමි ධනංජය කුමරුත් නැවතත් තමන්ගේ සුදුසුකම් ඉදිරිපත් කළහ.
බලාපොරොත්තු අත්හැර නොගන්නා ලෙස ඔවුන්ට පැවසු කුමරිය ඔවුන්ට නවාතැන් පහසුකම් සපයා දුන්නාය.මේ අතර අනපේක්ෂිත ලෙස කුමරිය අතුරුදහන් විය.රටේ සෑම තැනකම ජනතාවගෙන් ශෝකය පළවූ අතර කුමරිය සෙවීමට උත්සහ ගන්නා ලදී. තුන්කල් දන්නා විරේන්ද්‍ර කුමරුගෙන් ඇසු විට ඔහු පැවසුවේ
"..... කුමරියගේ රුසපුවට ආශා කල රාක්ෂයෙක් විවාහයට පෙර ඇයව පැහැරගෙන ගිය බවත් ,ඔහුගේ විමානය අමරාවතියේ "දුර්ඝම " නමැති ස්ථානයේ සඟවා ඇති බවත් පවසා , එහි යන මාර්ගය සිතියමකින් ඇඳ දුන්නේය.
මෙහිදී රථය හිමි උදයවිර කුමරු තම රථයෙන් එම විමානයට යා හැකි බව පැවසුවේය.
ධනංජය කුමරු තම අසිපතින් යක්ෂයාගේ ගෙල සිඳ මරණයට පත් කල හැකි බව කිවේය.
ඉන්පසුව මේ කුමරුවන් තිදෙනා එක්වී උදයවිරගේ රථයට නැග රාක්ෂයාගේ විමානය කරා පිටත් විය.උදයවිරගේ අත්භූත රථයෙන් රක්ෂා විමානය වෙත යන විට රාක්ෂයා කුමරිය ව තාමාට අවනත කර ගැනීමට උත්සහ දරන ආකාරය විරේන්ද්‍ර චිත්‍රයකට නගා පෙන්විය.නිවසට ඇතුළු වූ කුමරුවන්ගෙන් ධනංජය එක් කඩු පහරකින් හිස වෙන් කළේය.
ඉන්පසු තිදෙනාම කුමරිය කැඳවාගෙන ආපහු ආවෝය.ඉන්පසු කුමරිය පිලිබඳ අයිතිය ඔවුන් තිදෙනා ප්‍රකාශ කරන්නට විය.
,මම ගණිත ක්‍රමයෙන් තුන්කල් පරික්ෂා නොකළේ නම් කුමරිය සිටින ස්ථානය සොයා ගත නොහැකි වනු ඇතයි විරේන්ද්‍ර කුමරු ප්‍රකාශ කළේය.
මගේ විශ්මිත රථය නොතිබුනා නම් විරේන්ද්‍රට හෝ ධනංජයට කිසිම දිනක යා නොහැකි බව උදයවිර ප්‍රකාශ කළේය.
තාමගේ අසිපත හෝ යුධ ශක්තිය නොතිබුනා නම්, අනික් දෙදෙනාට කුමරිය මුදවා ගත නොහැකි බව ධනංජය පැවසුවේය.
වික්‍රමාධිත්ය රජතුමනි...... " මේ තිදෙනාගේම අයිතිය සාධාරණයි" . වේතාල පැවසිය.
වේතාලගේ කතාව ඇසු වික්‍රම රජු මදක් කල්පනා කළේය.
අවසානයේදී ....... කුමරියගේ අයිතිය ධනංජය සතු බව රජු පැවසුවේය.
එසේ වන්නේ කෙසේද වේතාල ඇසිය ?
කුමරිය හිමි විය යුත්තේ ශක්තිවන්තයාටය .... මන්ද රාක්ෂයා මරා දැමුවේ ඔහු විසිනි.
ඔබේ ප්‍රකාශය නිවැරදි.වේතාල පැවසිය.
මෙම කතාව අනුව නම් කුමරිය බේරා ගැනීමට තිදෙනාගේම සහය එකසේ ප්‍රයෝජන වත් විය.
නමුදු ඇය හිමිවිය යුත්තේ එක් අයකුට පමණි.
එබැවින් වැඩි අයිතිය හිමි ධනංජය කුමරුටය.
"Vetala Panchavimshati" තුළ ඇති කථා පුරාණ ඉන්දියානු සමාජයේ සංස්කෘතික හා සදාචාරාත්මක වටිනාකම් පිළිබඳ අවබෝධයක් ලබා දෙයි. ඔවුන් යුක්තිය, පක්ෂපාතීත්වය, කෑදරකම සහ කෙනෙකුගේ ක්‍රියාවන්හි ප්‍රතිවිපාක වැනි විවිධ තේමාවන් ගවේෂණය කරයි. අධිස්වාභාවික හැකියාවන් සහ ප්‍රහේලිකා ස්වභාවයෙන් යුත් Vetala චරිතය, ආඛ්‍යානවලට අභිරහස සහ කුතුහලය දනවන අංගයක් එක් කරයි.
සමස්තයක් ලෙස ගත් කල, "වෙතලා පංචවිම්ශති" යනු පුරාණ භාරතයේ සංස්කෘතික උරුමයන් සහ සදාචාරාත්මක වටිනාකම් පිළිබඳව පාඨකයන්ට දර්ශනයක් ලබා දෙමින් කාලය පිළිබඳ පරීක්ෂණයට ලක් වූ සිත් ඇදගන්නාසුළු සහ උපදේශාත්මක කතා එකතුවකි.
No comments:
Post a Comment
ඔබෙ දිය පොදත් එක් කරන්න.........