කාන්තා දිනයක් පසු විය....

නිමා විය ගුණ ගයා , තවත් කාන්තා                දිනක්
ගුණ ගයා ,බැති පුදා සිදුවේද                       යහපතක්
ඇය සදිසි සැනසුමක් බර දරා                    මිහිකතක්
ඇහැකි නම් ලැබ දෙන්න ලතෙත් ඇති නව  ලොවක්

සදේ රැස් දකින්නේ හිරු දෙවිඳු නැති                  විටයි
හිරු එළිය දිලෙන්නේ  සඳුත් බැස                      විටයි
නුඹේ අගය දැනෙන්නේ නුඹ ගෙදර නැති           විටයි
කලේ දිය ලුණු රසයි ,සහගින්න කුස               පෙළයි

පාසලේ කඩ පිළේ නුඹේ දෙපා                    ඇදෙනවා
කැළේ  උල් කටු ඇණි යටිපතුල්                   රිදෙනවා
දර මිටිය හිස දරන අඩිපාරේ                     පෙනෙනවා
වැලි කතරේ නුඹේ කඳුළු වැලි පොලවේ      සිඳෙනවා

දුරු රටක නුඹ ගියේ යස ඉසුරු ගෙනෙන්නයි
දරු පවුලේ බර අදින නුඹම වෙයි ගෙයි බුදුන්
සුරා සොඬ සැමියාගෙන් නෑ පිහිට සිල පහන්
අතරමග බියකරුයි හමන සුළඟින්    රැකෙන්