ග්‍රීක මිත්‍යා වෘතාන්ත වල සඳහන් වන පෘතුවි මාතාව වූ Gaea ගේ ප්‍රතිමුර්තිය මෙන් ඉන්දියාවටද මුළු විශ්වයම නිර්මාණය කෙරු, විශ්වය සහ භෞතික ජීවිත චක්‍රය බිහි කළායයි කියන උත්තරීතර මව වූ ආධි පරශක්ති පිළිබඳව සංකල්පයක් ඇත. ආදිකල්පිතමාතෘ දෙවඟන වූ වෙල්ටාන්ස්චෞන්ග් (weltanschauung) තම ආදරය දරුවන් වෙත ලගා කරමින් ඔවුන්ව ආරක්ෂා කරන බව සෑම ඉන්දියනුවෙක්ගේම හදවත තුළ රැව්දෙන්නක්ය.
ඉන්දියානු සංස්කෘතික සහ ආගමික ජීවිතයේදී ප්‍රධාන තැනක් ලබන දේවතාවියන් කිහිප දෙනෙක් ගැනම අතීතයේ පටන්ම කියවේ. ඒ අතර
ලක්ෂ්මි දේවතාවිය සතුට සෞභාග්‍ය සහ ධනය වෙනුවෙන්ද
සරස්වතී දේවිය ප්‍රඥාවට අධිපති මෙන්ම අධ්‍යාපනයේ සහ කලාවට අධිපති දේවතාවිය ලෙසද
කාලි සහ දුර්ගා මෑණියන් ශක්තියේ ප්‍රතිමුර්තිය ලෙසද ඉන්දියානුවන්ගේ ගෞරවාදරයට සහ වන්දනයට පාත්‍ර වේ.
කාශ්දිමීරයේ දිද්දා නොහොත් යකඩ රැජිණ.
ඉන්දියානු ඉතිහාසයේ බිහිසුනුම කාන්තාවක් වූ දිද්දා රැජිණිය රාජ තාන්ත්‍රිකයෙකි.හිමාලයේ වයඹ මායිමේ පිර් පන්ජල් කඳු වැටියට ආසන්න ප්‍රදේශයේදී ක්‍රිව.930 දී උපත ලැබුවාය.ලෝහරාහි රජුගේ දියණිය වූ ඇයගේ ශරීරයේ වූ අබාධයක් නිසා ඇයගේ පියා විසින් ඇයව ඝාතනය කිරීමට තැත් කලත් ඇය ඉන් දිවි ගලවා ගෙන පසුකාලීනව බලවත් කාන්තාවක් වූ බව කියවේ. ක්‍රිස්තු වර්ෂ 10 වැනි සියවසේදී ඇය කාශ්මීරයේ රැජින ලෙස පාලනය කළාය. දිද්දාගේ පාලන කාලය තුළ ඇයගේ කැපී පෙනෙන දේශපාලන හා යුධ ජයග්‍රහණ ලැබූ කාලය යැයි සැලකෙන්නේද එම කාලයයි කාශ්මීරයේ ක්‍රි.ව950 සිට 958 දක්වා පාලනය ඇය සතු විය. ඇය කාශ්මීරයේ ක්ෂේමගුප්ත රජු සමඟ විවාහ වූ අතර එමඟින් කාශ්මීරය සහ ලෝහරා රාජ්‍යයන් දෙකම එක්සත් කළාය ඇගේ සැමියාගේ මරණයෙන් පසු දිද්දා ඇගේ කුඩා පුත් අභිමන්යු වෙනුවෙන් උප රැජින ලෙස බලයට පත් විය.
Joint issue coin of Kshema Gupta and Queen Didda. ( Live History India )
අසනීප මධ්‍යයේ වුවද ඇය අපරිහත ධෛර්යෙන් යුතුව තම රාජකාරිය සිදු කල අතර ඇය දේශපාලන ඥානය, හමුදා නායකත්වය සහ පරිපාලන කුසලතා සඳහා ප්රසිද්ධියට පත් විය. දිද්දා බාහිර ආක්‍රමණවලට එරෙහිව තම රාජධානිය සාර්ථකව ආරක්ෂා කළ අතර කලාපය තුළ ඇගේ බලය තහවුරු කළේය.
දිද්දාගේ පාලනය යටතේ, කාශ්මීරය ස්ථාවරත්වයේ සහ සෞභාග්‍යයේ කාල පරිච්ඡේදයක් දුටුවේය. ඇය යටිතල පහසුකම් ව්‍යාපෘති කිහිපයක් ආරම්භ කළාය, වෙළෙඳාම සහ වාණිජ්‍යය ප්‍රවර්ධනය කළාය, කලාවට සහ සංස්කෘතියට සහයෝගය දුන්නාය. කාශ්මීර කවියෙකු සහ විද්වතෙකු වන බිල්හානාට ඇය දැක්වූ අනුග්රහය නිසා ඇය වඩාත් පැසසුමට ලක් විය.දිද්දාගේ රාජ්‍යය ආසන්න වශයෙන් වසර 40ක් පැවති අතර, එම කාලය තුළ ඇය කැරලි සහ ඇගේ පාලනය පෙරලා දැමීමේ උත්සාහයන් ඇතුළු අභියෝග රැසකට මුහුණ දුන්නාය. කෙසේ වෙතත්, ඇය මෙම බාධක ජයගෙන තම අධිකාරය පවත්වා ගැනීමට සමත් වියඑම හේතුව නිසාම බොහෝ විශේෂඥයින් විසින් ඇයව කාශ්මීරයේ ශ්රේෂ්ඨතම රැජින ලෙස හැඳින්වූහ.
රාණි වේලු නචියාර් (Rani Velu Nachiyar)
වීරමංගෙයි වේලු නචියාර් ලෙසද හඳුන් වන ඇය ඉන්දියානු තමිල්නාඩුවේ විසු ධෛර්යසම්පන්න රැජිනක් සහ සටන්කාමිනියක වුවාය.18 වැනි සියවසේදී බ්‍රිතාන්‍ය යටත්විජිතවාදයට එරෙහි සටනේදී ඇය සැලකිය යුතු කාර්යභාරයක් ඉටු කළාය.
බ්‍රිතාන්‍ය බලයට එරෙහිව සටන් කළ පළමු ඉන්දීය රැජින වීමේ ගෞරවය ඇය සතු වන අතර එවැනි ධෛර්යයක් සඳහා ඇයගේ ජනතාව විසින් ඇයට ‘වීරමංගෙයි’ (දළ වශයෙන් ‘නිර්භීත කාන්තාව’ ලෙස පරිවර්තනය කර ඇත) යන නාමයෙන් ප්‍රශංසා කර ඇත.ඇගේ ළමා වියේදී, ඇය එකම දරුවා වූ අතර එබැවින් ඇගේ පියාගේ උරුමක්කාරයා වූ බැවින් ඇය විවිධ ආකාරයේ හමුදා සහ පරිපාලන පුහුණුවක් ලබා ඇත. ඇය වයස අවුරුදු 16 දී ශිවගංගෙයිහි රජු වූ මුතුවඩුගනන්තූර් උදයතෙවර් සමඟ විවාහ වූ අතර මෙම විවාහයෙන් ඔවුන්ට දියණියක් සිටියාය.
වේලු නාචියාර් යුධ පිටියේදී ඇයගේ නව්‍ය උපක්‍රම සඳහා ඇය රසායන විද්‍යාව පිළිබඳ ඇගේ දැනුම උපයෝගී කර ගත් අතර ඊතලවල ඉඟි ආලේප කිරීමට භාවිතා කරන විෂ ද්‍රව්‍යයක් වූ "උදයගිරි" නම් අද්විතීය ආයුධයක් නිපදවා ඇත. මෙම මාරාන්තික ආයුධය සටනේදී ඵලදායී බව ඔප්පු විය.සටනේදී, ඇය මිනිස් බෝම්බයක් ලෙස ක්‍රියා කර බ්‍රිතාන්‍ය පතොරම් ගබඩාවක් පුපුරුවා හැරීමට ‘කුයිලි’ නම් කාන්තාවක් ද යොදවා ගත් අතර එමඟින් ඉතිහාසයේ පළමු මිනිස් බෝම්බවලින් එකක් බවට පත්විය.ඇයගේ අනුගාමිකයින් අතර "වීර මංගයි" (නිර්භීත කාන්තාව) යන නාමය ඇයට හිමි විය.ඇය දකුණු ඉන්දියාවේ බ්‍රිතාන්‍යයන් සාර්ථකව පරාජය කළ පළමු රැජින බවට පත් විය.
ක්‍රිස්තු වර්ෂ 1790 දී ඇගේ දියණිය සිංහාසනයට පත්වීමට පෙර, ඊළඟ වසර 10 සඳහා රාණි වේලු නාචියාර් ඇගේ රාජධානිය පාලනය කළාය.
3. ඩෙකාන්හි චන්දි බිබී
ඉන්දියානු ඉතිහාසයේ බලවත්ම අධිරාජයකු වූ අක්බාර් ව ක්‍රි.ව 1595 දී බලයෙන් පලවා හැර රාජ්‍යය පාලනය අතට ගත් චන්ද් බිබී 1550 දී ඩෙකෑන් සුල්තාන්වරුන්ගේ බලවත් රාජධානියක් වන බිජාපූර්හි ප්‍රමුඛ ආදිල් ෂාහි රාජවංශයේ උපත ලැබීය. ඇය අහමඩ්නගර්හි සුල්තාන් හුසේන් නිසාම් ෂා I ගේ දියණිය වූ අතර බිජාපූර්හි සුල්තාන් ඊබ්‍රාහිම් ආදිල් ෂා II ගේ සහෝදරිය විය.විවාහ වූයේ බිජාපූර්හි සුල්තාන් සමඟ ය.චන්ද් සුල්තානා හෝ චාන්ද් ඛාතුන් ලෙසින්ද හැඳින්වෙන චන්ද් බිබී, 16 වැනි සියවසේදී ඉන්දියාවේ ඩෙකෑන් ප්‍රදේශයේ ප්‍රධාන භූමිකාවක් ඉටු කළ කැපී පෙනෙන කාන්තාවකි. ඇයගේ ධෛර්යය, නායකත්වය සහ දේශපාලන ඥානය සඳහා ඇය ප්රසිද්ධියට පත් විය.
පසු වසරවලදී, ඇය අහමඩ්නගර් සහ බිජාපූර් යන දෙකෙහිම උප රැජිණිය බවට පත් වූ අතර, එමඟින් සුල්තාන්වරුන් දෙකෙහිම තථ්‍ය පාලකවරියක් බවට පත්විය. මෝගල් අධිරාජ්‍යයා අක්බාර්ට අවශ්‍ය වූයේ සියලුම ඩෙකෑන් සුල්තාන්වරුන් තම ආධිපත්‍යය පිළිගැනීමට නමුත් ඔහුගේ පුත් මුරාද් 1595 දී අහමඩ්නගර් ආක්‍රමණය කළ විට චාන්ද් බීබී ප්‍රහාරය මැඩපවත්වා ඇගේ බලකොටුව සාර්ථකව ආරක්ෂා කළේය.
4. කර්ණාටකයෙ අබක්කා චෞතා රැජින.(Queen Abbakka Chowta)
අබ්බක්කා දේවී යනු වර්තමාන ඉන්දියාවේ කර්නාටක ප්‍රදේශය වන තුලුනාඩු ප්‍රදේශයේ චෞටා රාජවංශයේ නිර්භීත රැජිනක් සහ රණශූරයෙකි. ඇය 16 වන සියවසේ පෘතුගීසි යටත්විජිතවාදයට එරෙහි ඇගේ නිර්භීත ප්‍රතිරෝධය සඳහා ප්‍රසිද්ධියක් උසුලයි.
අබ්බක්කා චෞතා විසින් නායකත්වය දුන් ප්‍රතිරෝධය කලාපයේ පෘතුගීසි ව්‍යාප්තියට විශාල අභියෝගයක් විය. පෘතුගීසීන් ඇයව අල්ලා ගැනීමට කිහිප වතාවක්ම උත්සාහ කළ නමුත් ඇගේ ඔරොත්තු දීමේ හැකියාව සහ ඇගේ සොල්දාදුවන්ගේ දැඩි පක්ෂපාතිත්වය හේතුවෙන් නැවත නැවතත් අසාර්ථක විය. පෘතුගීසි ආක්‍රමණයට එරෙහිව අබ්බක්කා චෞතාගේ ප්‍රතිරෝධය දශක කිහිපයක් පුරා පැවතුනි. අවසානයේදී, පෘතුගීසීන් ඇගේ ප්‍රතිවාදියා වූ කෙලඩි රාජධානිය සමඟ සන්ධානයක් ඇති කර ගත් අතර ඇගේ හමුදාවන්ට ඒකාබද්ධ ප්‍රහාරයක් දියත් කළහ. අබ්බාක්කා චෞතා 1570 දී ඇයව අල්ලා ගන්නා තුරුම සටන් කළාය. අවසානයේ ඇය නිදහස් වීමට පෙර වසර හතරක් සිරගත කරන ලදී.
පෘතුගීසි යටත්විජිතවාදයට එරෙහිව අබ්බක්කා චෞතාගේ වීරෝදාර අරගලය කර්නාටක ඉතිහාසයේ ඇයට ප්‍රමුඛ ස්ථානයක් හිමි කර දී ඇත. ඇයගේ නොසැලෙන ආත්මය, නිර්භීතකම සහ ඇගේ රාජධානියේ ස්වෛරීත්වය ආරක්ෂා කිරීමට කැපවීම ඇය අදටත් ගෞරවනීය චරිතයක් බවට පත් කර ඇත. ඇය විදේශ පාලනයට එරෙහි වීම සහ ඇගේ ජනතාවගේ අයිතිවාසිකම් සහ අභිමානය ආරක්ෂා කිරීමට ඇති නොසැලෙන අධිෂ්ඨානය ඇයගේ නාමය අදටත් ඉන්දියාවේ මතකයන් අතර රැව් පිලි රැව් දේ.
මුලාශ්‍ර
https://www.ancient-origins.net/history-famous-people/indian-queen-0013575
පරිවර්තනය
නිලක්ෂි බණ්ඩාර
23/05/2023
No comments:
Post a Comment
ඔබෙ දිය පොදත් එක් කරන්න.........