ක්ෂේම භූමිය: අමරණිය ඉන්දියානු පෙම් කථා The Immortal Love stroies of India

අමරණිය ශෝඛාන්තයන් සතුටකින් අවසන් වන්නේ කලාතුරකිනි. පෙම්වතුන් දිගු කාලයක් ප්‍රේමයේ සොඳුරු බව විඳිමින් හිඳ දිනකදී වෙන්ව යන අවස්ථා ලොව අසන්නට දකින්නට ඇත. සැබෑ දිවියේදී ඔවුන් දුක් වින්දත් ස්වර්ගයේදී නැවත හමුවී සතුටින් සිටිනු ඇතයි අපි ප්‍රාර්ථනා කරමු.

18 වන සියවසේ දී ජිවත් වූ Heer Ranjha තවත් එවැනි ශෝඛාන්තයකින් අවසන් වූ තවත් ප්‍රේම වෘත්තාන්තතයකි. මෙම වෘත්තාන්තය ලියා ඇත්තේ 1776 දී Sufi Order හි විසු චිස්ටි ඝනයේ පන්ජාබ් සුෆි කවියකු වන වාරිස් ෂා විසිනි.හිර් රන්ජා යනු සුවහසක් පන්බ්ජාබ් ජාතිකයින්ගේ ආදරයට ලක්වූ කතාවකි. බාල/වැඩිහිටි වෙනසක් නොමැතිව සෑම ගමකම සාහිත්‍ය සහ සංස්කෘතික උත්සව සහ රැස්වීම් වලදී බාඩ් වරුන් මෙම වෘතාන්ත්තය ගායනා කරනු ලබයි.

Abdur Rehman Chugtai painting of Heer and Ranjha

අබ්දුර් රෙහ්මන් විසින් සිතුවම් කල රන්ජා සහ හිර්

ඉන්දියාවේ රෝමියෝ ජුලියට් යන අන්වර්ථ නාමයෙන් මිනිසුන් අදටත් හඳුන්වන ඓතිහාසික පෙම්වතුන් යුවලක් වූහ.. හීර් අසාමාන්‍ය සුන්දරත්වයකින් හෙබි යුවතියක් වූ අතර ජාන්ග් හි ධනවත් සියල් කෙනෙක්ගේ දියණියක් විය. Sials යනු බටහිර පන්ජාබයේ Jhang ප්‍රදේශයේ වාසය කරන සහ Sialkot නගරය ආරම්භ කරන රාජ්පුත් වංශයකි.Ranjha (ඔහුගේ මුල් නම Dheedo; Ranjha යනු වාසගම) Ranjha ගෝත්‍රයේ Jatt කෙනෙක් විය. බටහිර පන්ජාබ් හි සර්ගෝධා, ගුජ්රාත්, ජෙලම් සහ ගුජ්රන්වාලා දිස්ත්‍රික්කවල රන්ජා දක්නට ලැබේ.
කඩවසම් තරුණයකු වූ රන්ජා තකාත් හසරන්හි රන්ජා වංශයේ ප්‍රධානියාගේ පුතු විය.

Dheedo Ranjha සහෝදරයන් හතර දෙනාගෙන් බාලයා වූ අතර Chenab ගඟ අසල Takht Hazara ගම්මානයේ ජීවත් වේ. පවුලේ ළදරුවා වූ ඔහු වන්ජ්ලි (නලාව) වාදනය කරමින් සැහැල්ලු ජීවිතයක් ගත කළේය. තම පියාගේ හදිසි මරණයෙන් පසු නෑදැයින්ගේ සමච්චලයට ලක්වූ ඔහු නිවසින් පලවා හැරියේය.

රන්ජා නිවසින් පිටත් වී ජෑං වෙත පැමිණේ.

හීර්ගේ පියා චෞද්‍රි චුචක් රන්ජාට තම ගවයන් පාලනය කිරීමේ රැකියාවක් ලබා දෙයි. වනයේ ඉබාගාතේ යන්නට ගිය ඔහුට හිර් හමුවිය. ඔහු හීර් සමඟ ආදරයෙන් බැඳෙනවා. ඔහු ඔහුගේ නළාව වාදනය කරන ආකාරය සහ ඔහු සමඟ ආදරයෙන් බැඳී සිටින ආකාරය ඇය ද වශී කරයි.කුමක් සිදුවුවත් ඔවුන් කිසිදිනක වෙන් නොවෙන බවට පොරොන්දු විය.

හීර්ගේ මාමා වන කයිඩෝ සහ ඇගේ මව මල්කි විසින් ඔවුන්ව අල්ලා ගන්නා තෙක් ඔවුන් වසර ගණනාවක් තිස්සේ එකිනෙකාට රහසින් මුණගැසෙනවා. හීර්ට ඇගේ පවුලේ අය සහ ප්‍රදේශයේ පූජකයා විසින් කයිරා වංශයේ ජාට් කෙනෙකු වන සයිඩා කේරා නම් වෙනත් පුරුෂයෙකු සමඟ විවාහ වීමට බල කෙරෙයි.

රංජාදුකින් පීඩිතව තනිව ගම්බද ප්‍රදේශවල සැරිසරයි, අවසානයේදී ඔහුට ජෝගි (තපස්වරයා) හමුවිය. පන්ජාබයේ සර්ගෝධා දිස්ත්‍රික්කයේ භෙරා ඓතිහාසික නගරයට සැතපුම් 50ක් උතුරින් පිහිටි ටිලා ජෝගියන් හි ගෝරක්නාත් ('තපස්වරුන්ගේ කන්ද')ට ගොස් රන්ජා තමාගේ කන් සිදුරු කර භෞතික ලෝකය ප්‍රතික්ෂේප කරමින් ජෝගි තපසකු බවට පත්වේ. සමිඳාණන් වහන්සේගේ (රබ්බ්) නාමය කියමින් ඔහු පන්ජාබ් පුරා සැරිසරයි.

අවසානයේ හීර් විවාහක කාන්තාවක් ලෙස ජීවත් වන රංපූර් නම් ගම්මානය සොයා ගනී.අවසානයේදී හීර් රංජා සමඟ පලා යන්නේ සයිදාගේ සහෝදරිය වන සෙහ්ටිගේ උපකාරය ඇතිවය.ඒ සමග සේහ්ටි ද ඇගේ බලුචි පෙම්වතා සමඟ පලා යයි.

නමුත් කයිරා අශ්වාරෝහකයින් විසින් පලා යන අල්ලාගෙන රංජාට අනුකම්පා විරහිතව පහර දෙයි.මොවුන් රංජාව මරණයට පත් කරන ලෙස ඉල්ලා කුබාලාහි රාජා අඩලි ඉදිරියට ගෙන එයි. හීර්ගේ මාමා වන කයිඩොද රන්ජාට එරෙහිව සාක්ෂි දීමට පැමිණි නමුත් චෞද්‍රි චුචක් පෙම්වතුන්ට පක්ෂව සාක්ෂි දෙයි.

ඔවුන් දෙදෙනා නැවත හීර්ගේ ගමට පැමිණෙන අතර එහිදී හීර්ගේ දෙමාපියන් ඔවුන්ගේ විවාහයට එකඟ වෙති. කෙසේ වෙතත්, විවාහ දිනයේ කයිඩෝ ඇයට වස දෙනවා. මෙම පුවත ඇසූ රන්ජා හීර්ට උදව් කිරීමට දිව ගිය නමුත් ඇය දැනටමත් වස අනුභව කර මිය ගොස් ඇති නිසා ප්‍රමාද වැඩියි. නැවත වරක් සිත් බිඳී ගිය රන්ජා හීර් අනුභව කළ ඉතිරි විෂ සහිත ලඩ්ඩු (පැණිරස) අනුභව කර ඇය අසලින් මිය යයි.හීර් සහ රන්ජාව මිහිදන් කර ඇත්තේ හීර්ගේ උපන් ගම වන ජෑං හි ය.