බොලිවුඩයේ බද්ෂා නොහොත් ශාරුක් ඛාන්

 

බොලිවුඩ් සිනමාවේ ඛාන් රජු , SRK  යන නම් ලද ශාරුක් ඛාන් ඉන්දීය චිත්‍රපට කර්මාන්තයේ, විශේෂයෙන් බොලිවුඩයේ වඩාත්ම කැපී පෙනෙන සහ විශිෂ්ඨ සිනමා රංගධරයෙක් වේ .ඔහු උපත ලැබුවේ 1965 නොවැම්බර් 2 වැනිදා ඉන්දියාවේ නවදිල්ලි නුවරදීය.ෂාරුක් ඛාන් 1980 දශකයේ අගභාගයේදී රූපවාහිනියෙන් සිය රංගනය ආරම්භ කළ අතර ඛාන් ගේ ප්‍රථම රංගන චරිතය වූයේ 1988 දී රූගත කිරීම් ආරම්භ කළ Lekh Tandon ගේ රූපවාහිනී කතා මාලාවක් වන Dil Dariya හි ය. නමුත් නිෂ්පාදන ප්‍රමාදය නිසා රාජ් කුමාර් කපූර් විසින් 1989 අධ්‍යක්ෂණය කරන ලද "ෆවුජි" රූපවාහිනී කතා මාලාව සමඟින් පුළුල් පිළිගැනීමක් ලබා ගත්තේය.හමුදා කැඩෙට් නිලධාරීන්ගේ පුහුණුව පිළිබඳ යථාර්ථවාදී අදහස් නිරූපණය කරන ලද මාලාවේ, ඔහු අභිමන්යු රායිගේ ප්‍රධාන චරිතයට පණ දුන්නේය...

ඛාන්අසීස් මිර්සාගේ රූපවාහිනී කතා මාලාවක් වන සර්කස් (1989-90) සහ මනි කවුල්ගේ කුඩා කතා මාලාවක් වන Idiot (1992) හි රඟපෑ අතර  Umeed (1989) සහ Wagle Ki Duniya (1988-90) සහ ඉංග්‍රීසි රූපවාහිනී ටෙලිමාලාවක් වන  In which Annie Gives It Thomas (1989) හි සුළු කොටස් ද රඟපෑවේය.

මෙම කතාමාලාවල ඔහු පෙනී සිටීම විචාරකයින් ඔහුගේ පෙනුම සහ රංගන විලාසය චිත්‍රපට නළු දිලිප් කුමාරට සම කලහ.

ඛාන් බොලිවුඩ් චිත්‍රපට කර්මාන්තයේ ඔහුගේ ඉදිරි ගමන 1992 දී "දීවානා" චිත්‍රපටය සමඟින් සිදු විය.දීවානා බොක්ස් ඔෆිස් ජයග්‍රහණයක් බවට පත් වූ අතර ඛාන්ගේ බොලිවුඩ් වෘත්තීය ජීවිතය  ආරම්භ කළේය.ඛාන් තම පෙම්වතිය ඝාතනය කරන  පළිගැනීමේ චරිතයක් නිරූපණය කළ  Baazigar (1993) සහ Darr (1993) චිත්‍රපටවල දුෂ්ට චරිත නිරූපණය කිරීම සඳහා පෙනී සිටියේය. Baazigar, නිළි Kajol සමඟ ඔහුගේ පළමු බොහෝ පෙනී සිටීමත් ,  ඛාන් හොඳම නළුවා සඳහා ඔහුගේ පළමු ෆිල්ම්ෆෙයාර් සම්මානය දිනා ගැනීමත්, විශේෂත්වය විය.

ඩාර් චිත්‍රපටය යශ් චොප්රාගේ අධ්‍යක්ෂණය යටතේ යෂ්රාජ් චිත්‍රපටයක් ලෙස සිනමගත විය. එම චිත්‍රපටයේ ඛාන්ගේ ගොතගැසීම සහ "I love you, K-k-k-Kiran" යන වාක්‍ය ඛණ්ඩය ප්‍රේක්ෂකයින් අතර මහත්සේ  ජනප්‍රිය විය.

1994 දී, ඛාන්, කුන්දන් ෂාගේ ප්‍රහසන-නාට්‍ය චිත්‍රපටයක් වන Kabhi Haan Kabhi Naa හි දීපක් ටිජෝරි සහ සුචිත්‍රා ක්‍රිෂ්ණමූර්ති සමඟ ප්‍රේමනීය සංගීතඥයකු  ලෙස රඟපෑ අතර, පසුව ඔහු එය ඔහුගේ ප්‍රියතම චරිතය බව ප්‍රකාශ කළේය. ඔහුගේ රංගනය ඔහුට හොඳම රංගනය සඳහා ෆිල්ම් ෆෙයාර් විචාරක සම්මානයක් ලබා දුන් අතර, 2004 සිට පසුකාලීන සමාලෝචනයක දී, Rediff.com හි සුකන්‍යා වර්මා එය ඛාන්ගේ හොඳම රංගනය ලෙස හැඳින්වූවාය.

1997 දී, ඔහු  සංගීතඥයෙකු වන අර්ජුන්ගේ චරිතය  නිරූපණය කරමින්, සුභාෂ් ගායිගේ ඩයස්පෝරික තේමා සමාජ හෙළිදරව් කිරීමක් වූ  පර්දෙස් හි රඟපෑවේය. ඉන්ඩියා ටුඩේ එය එක්සත් ජනපදයේ සාර්ථක වූ පළමු ප්‍රධාන බොලිවුඩ් චිත්‍රපටය ලෙස නම් කරන ලදී.

 ඔහු ඉක්මනින්ම ඉන්දියානු සිනමාවේ ජනප්‍රිය චරිතයක්  බවට පත් වූ අතර ඔහුගේ සාර්ථක චිත්‍රපට ගණනාවක් සඳහා "කිං ඛාන්" යන අන්වර්ථ නාමය ලබා ගත්තේය. එසේම 1994 දී, මධුරි ඩික්සිත් සමඟින් රංගනයෙන් දායක වූ අන්ජාම් චිත්‍රපටයේ උමතු පෙම්වතාගේ චරිතය වෙනුවෙන් ඛාන් ෆිල්ම්ෆෙයාර් හොඳම දුෂ්ටයා සම්මානය දිනා ගත්තේය.  වසර ගණනාවක් පුරා, ඛාන් "දිල්වාලේ දුල්හානියා (1995)  ලේ ජායේංගේ (1995) , දිල්තෝ පාගල් හේ (1997) කුච් කුච් හොතහේ (1998) , මොහොබ්බතින් (2000) , කභි කුෂි කභි ගම්  " වැනි චිත්‍රපට වල  සිට "දොන්" සහ "චෙන්නායි එක්ස්ප්‍රස්" වැනි ක්‍රියාදාම චිත්‍රපට දක්වා විවිධ ප්‍රභේදවල විහිදුනු බොලිවුඩ් චිත්‍රපටවල පුළුල් පරාසයක පෙනී සිට ඇත.

විර් සාරා, ඕම් ශාන්ති ඕම් ,කබි අල්විදානා කෙහෙනා ඛාන්ගේ නාමය රැන්දු චිත්‍රපට විය.Devdas (2002) හි ප්‍රේමයෙන් පාරිජිත වුවකුගේ රංගනය ඔහුගේ රංගනය  විචාරක පැසසුමට ලක් විය.අධ්‍යක්ෂක Mukul S. Anand ඔහුව එවකට හැඳින්වූයේ "කර්මාන්තයේ නව මුහුණුවර" ලෙසයි.

My Name Is Khan (2010) හි Asperger syndrome රෝගියකු ලෙස ඔහු රංගනයෙන් දායකත්වය දුන් අතර Om Shanti Om (2007) සහ Rab Ne Bana Di Jodi (2008) සමඟින් තවත් වාණිජමය සාර්ථකත්වයන් ඇති විය, සහ චෙන්නායි එක්ස්ප්‍රස් (2013) සහ Happy New Year (2014) හි ඔහුගේ ප්‍රහසන ව්‍යාප්තිය සමඟ. කෙටි  විරාමයකින් පසුව, ඛාන් 2023 ක්‍රියාදාම චිත්‍රපට පතාන් සහ ජවාන් සමඟින් වෘත්තීය ජීවිතය නැවත ආරම්භ කළේය, එම චිත්‍රපට දෙකම ඉහළම ආදායම් ලබන හින්දි චිත්‍රපට අතරට පැමිණේ.

ඔහු ෆිල්ම් ෆෙයාර් සම්මාන කිහිපයක් ඇතුළුව ඔහුගේ කාර්යයන් සඳහා සම්මාන සහ ඇගයීම් රාශියක් ලබා ඇත.ඔහු චිත්‍රපට 90 කට වැඩි ගණනක පෙනී සිට ඇති අතර ෆිල්ම්ෆෙයාර් සම්මාන 14 ක් ඇතුළුව බොහෝ ඇගයීම් ලබා ඇත. ඔහු ඉන්දීය රජය විසින් පද්ම ශ්‍රී සම්මානය මෙන්ම ප්‍රංශ රජය විසින් Ordre des Arts et des Lettres සහ Legion of Honor යන සම්මානයෙන් පිදුම් ලබා ඇත.

ඔහුගේ රංගන ජීවිතයට අමතරව, ෂාරුක් ඛාන් සාර්ථක චිත්‍රපට නිෂ්පාදකයෙකු වන අතර නිෂ්පාදන සමාගමක් වන Red Chillies Entertainment හි සම හිමිකරු වේ. ඔහු විවිධ ව්‍යාපාර සහ අනුමත කිරීම් වලට ද සම්බන්ධ වන අතර, ඔහු ඉන්දියාවේ ධනවත්ම කීර්තිමත් පුද්ගලයින්ගෙන් කෙනෙකු වේ.ඉන්දීය ප්‍රිමියර් ලීග් ක්‍රිකට් කණ්ඩායමේ කොල්කටා නයිට් රයිඩර්ස් සහ කැරිබියන් ප්‍රිමියර් ලීග් කණ්ඩායමේ ට්‍රින්බෑගෝ නයිට් රයිඩර්ස් හි සම හිමිකරු වේ. මාධ්‍ය බොහෝ විට ඔහුව " SRK" යන සන්නමයෙන් හඳුන්වනු ලබයි. 

ඛාන් බොහෝ පරිත්‍යාගශීලි කර්තව්‍යයන් සිදු කරන අතර සෞඛ්‍ය ආරක්ෂණය සහ ආපදා සහන සපයා ඇත. ළමා අධ්‍යාපනය සඳහා ඔහු දැක්වූ සහයෝගය වෙනුවෙන් 2011 දී යුනෙස්කෝවේ පිරමිඩ් කොන් මාර්නි සම්මානයෙන්ද, ඉන්දියාවේ කාන්තා සහ ළමා අයිතිවාසිකම් වෙනුවෙන් පෙනී සිටීම වෙනුවෙන් 2018 දී ලෝක ආර්ථික සංසදයේ ක්‍රිස්ටල් සම්මානයෙන්ද ඔහු ගෞරව සම්මානයෙන් පිදුම් ලැබුවේය.

ඔහු ඉන්දියානු සංස්කෘතියේ වඩාත්ම බලගතු පුද්ගලයින්ගේ ලැයිස්තුගත කිරීම්වලට නිතිපතා ඇතුළත් වීම සුවිශේෂී කරුණකි. 2008 දී නිව්ස්වීක් විසින් ඔහුව ලොව බලවත්ම පුද්ගලයින් පනස් දෙනාගෙන් කෙනෙකු ලෙස නම් කරන ලදී. 2022 දී එම්පයර් විසින් කරන ලද පාඨක මත විමසුමකදී ඛාන්, මෙතෙක් බිහි වූ විශිෂ්ටතම නළුවන් 50 දෙනාගෙන් කෙනෙකු ලෙස තේරී පත්විය.2023 දී ටයිම් සඟරාව ඔහුව ලෝකයේ වඩාත්ම බලගතු පුද්ගලයන් 100 දෙනාගෙන් කෙනෙකු ලෙස නම් කරන ලදී.

නිලක්ෂි බණ්ඩාර 

056/11/23.