ගාන්ධි පවුල සමග ඇගේ තිබු දැඩි සම්බන්ධතාවය නිසාවෙන් ඇය කොංග්‍රස් පක්ෂ නායිකාව වූ සෝනියා ගාන්ධිගේ ප්‍රියතම චරිතයක් විය. 2007 දී චාරිත්‍රානුකුල ජනාධිපති අපේක්ෂක ධුරයට පටිල්ගේ නම ඉදිරිපත් වුන අතර ජුලි මාසයේදී ඇය ජනාධිපතිනිය ලෙසින් බලයට පත්විය.
ඇය නාගරික සමුපකාර බැංකු සහ ඉන්දීය ජාතික සමුපකාර සංගමයේ සාමාජිකාවක් ලෙසද මහා රාෂ්ට්‍ර ප්‍රාන්තයේ වැඩසටහන් ක්‍රියාත්මක කිරීමේ කමිටුවේ සභාපතිනිය ලෙසද ක්‍රියා කළාය.ඇය නයිරෝබි සහ පුවර්ටෝ රිකෝහි පැවති සමාජ සුබ සාධනය පිලිබඳ ජාත්‍යන්තර කවුන්සිලයටද සහබාගි විය.1985 දී ඇය බල්ගේරියාවේ සමස්ත ඉන්දීය කොංග්‍රස් කමිටු (Alcc) නියෝජිත කණ්ඩායමේ සාමාජිකාවක් වූ අතර 1988 දී පැවති පොදු රාජ්‍ය මණ්ඩලීය මුලාසන නිලධාරීන්ගේ සමුළුවේ සමාජිකාවියක් ද විය.ඔස්ට්‍රියාවේ කාන්තා පිලිබඳ සමුළුවට නායකත්වය දෙන ලදී.1995 චීනයේ බීජිං නුවර පැවති ලෝක කාන්තා සමුළුවේ නියෝජිතවරියකි.
එමෙන්ම ඇය විවිධ සමාජ සේවා කටයුතු වලද යෙදුණු අතර දිළිඳු කාන්තාවන් සවිබල නැංවීම සඳහා බොහෝ කැපවිය.සමාජයේ අඩු වරප්‍රසාදිත කොටස්වල සුබ සාධනය සඳහාද කටයුතු කළාය.
මුම්බායි සහ දිල්ලියේ කාන්තාවන් වෙනුවෙන් නේවාසිකාගාර තැනීම,
ග්‍රාමීය තරුණයින් සඳහා ජලගොන්හි ඉංජිනේරු විශ්ව විද්‍යාලයක් ,
දෘෂ්‍යාබාදිතයින් සඳහා කාර්මික පුහුණු විද්‍යාලයක් ,
අමරාවතී ප්‍රාන්තයේ විමුක්ති ජාතිකයින්ගේ (සංචාරක ගෝත්‍රිකයින්) දුප්පත් දරුවන් සහ පසුගාමී පන්ති වල ළමුන් සඳහා පාසල් තැනීම
මහාරාෂ්ට්‍රයේ අමරාවතී හි ක්‍රිෂි විද්‍යන් කේන්ද්‍ර (ගොවි පුහුණු මධ්‍යස්ථානයක් ) පිහිටුවීම, මහිලා ආර්ථික් විකාස් මහා මණ්ඩලය පිහිටුවීමේ පුරෝගාමිත්වය දැරීය.
මුලාශ්‍ර :
https://www.councilwomenworldleaders.org/pratibha-patil.html
http://pratibhapatil.nic.in/profile.html.
https://awpc.cattcenter.iastate.edu/directory/pratibha-d-patil/
නිලක්ෂි බණ්ඩාර -
03/12/2023
ඉන්දියාවේ ජනාධිපති කෙනෙකුට වැඩි බලයක් නැතත් සෑහෙන වැඩක් කරලා තියෙනවා නේ
ReplyDeleteඔව් සර්.
Delete