උත්තරාකාන්ද් හි සංචාරය කිරීමට සුදුසු ප්‍රදේශ .

මිදුම් සහිත හිමාලයෙන් වටවූ විවිධ පුරාණ විහාරස්ථාන, ගුගුරන ගංගා හා බොහෝ දිය ඇලි සහිත සහිත දේශයක් වන උත්තරාකන්ඩ් යනු යනු ඉන්දියාවේ සුන්දරම ප්‍රාන්තයයි.දේව් භුමි ලෙසද හැඳින්වෙන උත්තරකන්ඩ් හි බද්‍රිනාත්, කේදර්නාත්, ගංගෝත්‍රි,යමුනෝත්‍රි ,පතාල් භුවනේශ්වර් ඇතුළු ඉතා ගෞරවනීය ආගමික ස්ථාන රාශියකට කේන්ද්‍රීත ප්‍රදේශයකි.  යෝග අගනුවර - රිෂිකේෂ් , හිමාලයානු ස්කී රිසෝට් - අවුලි , කඳුකර රැජින වූ මුසුරි  (Mussorie ) මල් නිම්නය වන උත්තරාකන්ඩ් සෑම වසරකම සංචාරකයින් දහස් ගණනකගේ දෑස් ස්පර්ශ කරයි.

මිට අමතරව ජනාකීර්ණ ප්‍රදේශ වලින් බැහැරව සාමය සහ සැනසුම සොයා එන සංචාරකයින්ට තම විවේකය  නිස්කලංකව ගෙවීමට සැඟවුණු සුන්දරත්වයෙන් පිරි ස්ථාන බොහොමයක් තිබේ.මෙම ස්ථාන සංචාරක ව්‍යාපාරයෙන් නොගැලපෙන නමුදු ස්වභාවධර්මය උපරිමයෙන් අත්විඳීමට පරිසරලෝලීන්ට අනගි අවස්ථාවක් ලබා දේ.

කිර්සු (Khirsu)

මුහුදු මට්ටමේ සිට මීටර් 1760 ක් උසින් පිහිටා ඇති කිර්සු සුන්දර හිමාලයානු නිවාඩුවක් ගත කිරීමට සුදුසුම ගමනාන්තයකි.නන්දා දේවි, ත්‍රිශූල්, පංචචුලි සහ නන්දා කොට් වැනි කඳු මුදුන් ඇතුළු හිමාල කඳුකරයේ දර්ශනීය දසුන් නිර්මාණය කරමින් , උත්තරාකාන්ද් හි කිර්සු හි හොඳම නොබැඳි ස්ථානවලින් එකක් වන පෞරි ගාර්වාල් හි පිහිටා ඇත.මෙම විචිත්‍රවත් ගම්මානය ඇපල් වල සශ්‍රීක පළතුරු වතු සහ ඝන පයින් සහ දේවදාර වනාන්තර වලින් පිරී ඇති අතර එය කඳු නැගීම, කඳු නැගීම සහ කඳවුරු බැඳීම සඳහා කදිම ස්ථානයක් බවට පත් කරයි. Khirsu හි සිදු කරන  සංචාරයක් ඔබව සුරංගනා කතා නවකතාවකින් සිහින ගමනාන්තයකට ගෙන යනු ඇත. ඔබට කල්ප දේවි විහාරය, වන් මනෝරංජන් කේන්ද්‍රය සහ ෆාර්ඛුන්ඩා, සහ චෞඛම්බා වීව්පොයින්ට් වැනි ස්ථාන නැරඹිය හැකිය.

මුන්සියාරි (Munsiari)

පුංචි කාශ්මීරය ( Little Kashmir) නමින් හඳුන්වන පිතොරගර්( Pithoragarh) සංචාරක මනස සහ ආත්මය පිරිසිදු කරන, හිතට සතුට දනවන තවත් ස්ථානයකි.හිමෙන් වැසි ඇති කඳු වළල්ලකින් ද , මීදුමෙන් වටවුන මෙම ප්‍රදේශය මීටර් 2298ක උන්නතාංශයක පිහිටා යහි නොබැඳි කඳුකරයකි.නන්දාකොට් , නන්දා දේවි ,රජරම්බා ,නේපාලය ,හිමාලය ඇතුළු පංචිවුලි වැනි කඳු නිම්න වල සුන්දරත්වය පැමිණෙන්නන්ගේ සිත් පිනවයි.මුන්සියාරි හි විශේෂත්වය වන්නේ ඈත අතිතයී සිටම රාලම්, මිලාම් සහ නැමික් ඇතුළු ග්ලැසියර තුනකට අයත්වී තිබීමයි.

ඔබ ස්වභාවධර්මයට ආදරය කරන්නෙකු, ඡායාරූපකරණයට ඇලුම් කරන්නෙකු හෝ ත්‍රාසජනක ක්‍රීඩා ලෝලියකු

 වුවද නම් මුන්සියාරි ප්‍රදේශය නිසැකවම ඔබට අපුරු තෝතැන්නක් වනු ඇත.

චෞකොරි (Chaukori)

මුහුදු මට්ය්ටමේ සිට මීටර් 2010ක උසකින් යුක්ත වන චෞකාරී කඳු මුදුන උත්තරකන්ඩ් හි සංචරයෙදි ඔබ තෝරාගත යුතුම ස්ථානයකි.පිතොරගර්හි පිහිටා ඇති සැඟවුණු මැණිකකි.පැමිණෙන සංචාරක නෙත් වශිකරවන මනරම් දර්ශන සහ විහාරස්ථාන වලින් පරිපුර්ණිත ප්‍රදේශයකි.හිමෙන් වැසුණු කඳු මුදුන් සහිත මෙම ප්‍රදේශය සශ්‍රික වනාන්තරයකින් යුක්තය. ඔබට මෙහිදී දක්නට ලැබෙන ස්ථාන අතර තේ වතු , කෝවිල් සහ සිද්ධස්ථාන නකුලේශ්වර් කෝවිල ,ගුන්සේරා දෙවි  පන්සල,නාග් විහාරය ,කාලි දෙවි ඇතුළු දිය ඇලි 

වේ.

ලොහාගට් (Lohagat)

කඳුකර ප්‍රදේශයක් වන ලොහාගට් පයින් සහ ඕක් ගස් වලින් පිරුණු සෞම්‍ය දේශගුණයකින් සහ හිමෙන් පිරුණු හිමාල කඳු පන්තියට අයත්වුවකි,ඓතිහාසික සහ මිත්‍යා විශ්වාස කෙරෙහි ප්‍රිය කරන්නන්ට සංචාරයට යායුතුම ස්ථානයක් වන ලොහාගට් නගරය ඓතිහාසික කරුණු වලට අනුව කලකදී  ගිලීගිය නගරයකි.මෙම කුඩා නගරය ආශ්‍රිත අවට ප්‍රදේශය 11 සහ 12 වැනි සියවස් වලදී කුමාඔන් රජුන් පාලනය කල රාජ්පුත් වංශයට අයත්වූ චන්ද් පාලන සමයේ අගනුවර බව කියවේ.ලෝහාවති ගංගා ඉවුරේ සිට මීටර් 1800ක උන්නතංශයක පිහිටා ඇති ලොහාගට් අඩු ගවේෂණයට ලක්වූ හිමාලයේ බැස්මකි.ඔබට මෙහි නැරඹිය හැකි ස්ථාන වන්නේ පංචේෂ්වර් මහාදේව් පන්සල, බනසුර් කා කිලා, මායාවතී ආශ්‍රමය, ඇබට් මවුන්ට්, දෙවිඳුරා පන්සල යනාදියයි.

නෞකුචිඅටාල් ( Naukuchiatal)

උත්තරකන්ඩ් හි නොබැඳි ගමනාන්තයක් වන නෞකුචිඅටාල් හි සුන්දර කඳුකරය නෛන්ටාල් (Nainital) හි සුන්දර කඳුකරයේ විල් නගරය ලෙසද හැඳින්වේ.නෞකුචිටාල් යනු කොන් නමයක් සහිත විල යන අර්ථය ගෙනෙන අතර පිරිසිදු උල්පත් ජලයෙන් පිරි සොබාදමේ සෙවණ යට සුන්දරත්වයේ නිස්කලංක බැවින් පිරි කුඩා නමුදු සුන්දර විල් ගම්මානයකි.නිවාඩුවක් ගත කිරිමට සුදුසුම ස්ථානයකි.මීට අමතරව, සෑම වසරකම මැයි මාසයේදී පවත්වනු ලබන සුප්‍රසිද්ධ Escape උත්සවය සමඟනෞකුචිට්ටාල්  සංචාරකයින්ගේ ආකර්ෂණය දිනන ප්‍රාන්තයකි.මෙම විචිත්‍රවත් නගරය පිහිටා ඇත්තේ ඔරු පැදීම, යාත්‍රා පැදීම සහ බෝට්ටු පැදීම වැනි එළිමහන් ක්‍රියාකාරකම් සඳහා අවස්ථාව සලසන සුන්දර නිම්නයක ය.සුන්දර නිමනයක පිහිටි මෙම පෙදෙසෙහි ජන්ග්ලිගෝන්(Jungliagaon), භිම්ටල් විල Bhimtal Lake, නෞකුචිචාල් විල ( Naukuchiatal) පිහිටා ඇත.

ලැන්දෝර්( Landour) 

මුසොරි ප්‍රාන්තය අසල පිහිටා ඇති ලැන්ඩොර් නගරයට සුන්දර කඳු බෑවුම් සහ නිම්නයක් අතරින් යා යුතු අතර  ගංගෝත්‍රි, යමූනෝත්‍රි, කේදර්නාත්, ස්වර්ගරෝහිනි සහ තවත් බොහෝ හිමාල කඳු  මුඳුන්ගෙන් යුතු පෙදෙසකි.මෙම ස්ථානය යුරෝපියානු කලා සම්භවය ත් එම යුගයේ පැවතුනු අලංකාර පල්ලි වල ආකෘතිය සිහි කල හැකි යටත් විජිත ගෘහ නිර්මාණ ශිල්පයෙන් අනුන වුවකි.එහි නැරඹීමටඇති ස්ථාන අතර ශාන්ත පාවුළු දේවස්ථානය, ලාල් ටිබ්බා සහ කෙලොග්ගේ අනුස්මරණ දේවස්ථානය සහ භාෂා පාසල සුවිශේෂිය.

කන්තාල් (kantal)

කන්තාල් යනු කලක් උත්තරාකන්ඩ් හි පිහිටි විලක නමක් වන අතර ආකර්ශනිය කඳු පන්තියකි. අඩි 8500 ක උන්නතන්ශයකින් යුතු කන්තාල් හිමාලය කඳු පන්තියේ සුන්දරතම ස්ථානයයි. තරු පිරි රැයක කඳවුරු රැයක අත්දැකීම විඳීමට සුදුසුම ස්ථානයකි.කන්තාල් චම්බා , ඩෙහාර්දුන් සහ මුසුරි යන ප්‍රධාන කඳු මුදුන් වලට සමීපය.ඒ අවට  නැරඹීමට ඇති ස්ථාන වන්නේ ධනුන්ල්ටි  (Dhanaulti,) , නව තේරී  ( New Tehri) , සර්කන්ධ දෙවි පන්සල  (Surkanda Devi Temple )  සහ කොදිආ වනාන්තර (Kodia Jungle) යන ස්ථානයි.

පන්ගොට් (Pangot)

කුරුළු පාරාදීසයක් වූ නයිනිතාල් සිට කිලෝමීටර් 15ක දුරින් පිහිටි  පන්තගොට් සොබාදහමේ චමත්කාර නිර්මාණයකි. කුරුළු විශේෂ නැරඹීමට මෙන්ම , තරු පිරි රාත්‍රීන්හි කඳුවුරු බැඳ වනාන්තර,නිම්න මැදින් ගමන් කර කඳු නැගීම , කඳු වැටි හරහා ගමන් කිරීම වැනි ත්‍රස්තජනක ක්‍රියාකාරකම් වල යෙදිය හැකිය. එම ගමනේදී ඔබට ගෞනෝ කඳු ( Guano Hills) ,පැන්ගොට්( Pangot) සහ කිල්බුරි කුරුළු අභය භුමිය ( Kilbury Bird Sanctuary) සහ නෛනා ගල් ශිඛරය ( Naina Peak) ඇතුළු බොහෝ සොඳුරු ස්ථාන රසවිඳීමේ හැකියාව ඇත.

මෙම කිල්බුරි කුරුළු අභය භුමියේ කුරුළු විශේෂ 580 කට නිජබිමක් වන අතර සංක්‍රමණික සහ ආවේණික පක්ෂීන් දෙකම මෙම කලාපය තුළ දැකගත හැකි අතර, එය කුරුල්ලන් නැරඹීමේ පාරදිසකි.

රාම්ගර්( Ramgar)

උත්තරකන්ඩ් හි තවත් සොඳුරු පරිශ්‍රයක් වන රාම්ගර් කුමාඔන් කලාපයේ මුක්තේෂ්ශ්වර් හි පිහිටා ඇත.ස්වභාවික සුන්දරත්වයෙන් අනුන වූ මෙම ප්‍රදේශය පෙයාර්ස්, ඇපල්, පීච් සහ ඇප්රිකොට් ඇටවලින් යුත් පළතුරු වතු ඇති බැවින්එ ම ස්ථානය උත්තරකාන්ද් හි පළතුරු බඳුන ලෙසද හැඳින්වේ.හිමාල කඳුවැටියේ මුහුදු මට්ටමේ සිට මීටර් 1789 ක් උසින් පිහිටා ඇති රාම්ගාර් යනු ඔබට වඩාත් ආකර්ශනීය හිරු උදාව සහ හිරු බැස යෑම දැක ගත හැකි ස්ථානයකි. ඔබ සාමාන්‍ය ජීවිතයෙන් පරිපූර්ණ විවේකයක් ලබා ගැනීම සඳහා උත්තරාකන්ඩ් හි හොඳම නොබැඳි ස්ථානයක් සොයන්නේ නම්, රාම්ගාර් යනු කදිම ස්ථානයකි. මෙහි සමහර ප්‍රධාන ආකර්ෂණ ස්ථාන වන්නේ පළතුරු වතු, මුක්තේෂ්වර් කෝවිල, භිම්තාල් විල, පරීක්ෂණ බංගලාව සහ නතුවාන් ය.

පිඔරා( Peora)

කුමාඔන් ප්‍රදේශයේ දර්ශනීය නිම්න මැද පිහිටි පිඔරා අඩි 6600ක උන්නතාංශයක පිහිටි ගම්මානයකි.පක්ෂි නිරීක්ෂකයින්ට සහ වනජීවී ලෝලීන්ට ස්වර්ගයක් වැනි වූ මෙම ප්‍රදේශය කඳු නැගීම වැනි එළිමහන් ක්‍රියාකාරකම් වලට ප්‍රිය කරන්නන්ට කදිම තෝතැන්නකි.වනාන්තර,දිය ඇලි , පුජනිය ස්ථාන ඇති අතර ප්‍රධාන ස්ථාන වන්නේ මුක්තෙශ්වර් ධාම් ( Mukteshwar Dham) ,ගොභින්ද් වල්ලභ් පාන්ට් කෞතුකාගාරය ( Gobind Vallabh Pant Museum ), නන්ද දෙවි කෝවිල ( Nanda Devi Temple) ,මුක්තෙශ්වර් පීරික්සුම් බංගලාව (Mukteshwar Inspection Bungalow) , කලිකා පන්සල (Kalika Temple) සහ Choco-House Chocolatier
යන ස්ථානයි.

මුලාශ්‍ර :

https://www.veenaworld.com/blog/offbeat-places-in-uttarakhand

https://www.euttaranchal.com/tourism/how-to-reach-khirsu.php#:~:text=Khirsu%20is%20well%20connected%20by,with%20major%20cities%20in%20India.

සේයා අන්තර්ජාලයෙනි.

නිලක්ෂි බණ්ඩාර 

30/03/2023